کێشە دەدۆزنەوە و چارەسەرى دەکەن
لە زانکۆى سلێمانى ئۆڵمپیادى پڕۆژەى زانستى بەڕێوە دەچێت
964+
دیلان محەمەد جەزا
لە زانکۆى سلێمانى ئۆڵمپیادى پڕۆژەى زانستى بەڕێوە دەچێت کە بۆ سێیەم ساڵى لەسەریەکە ئەنجام دەدرێت و تێیدا بەشدار بووان کێشەیەک لە کۆمەڵگەدا دەدۆزنەوە و دەیکەن بە بنەماى کارەکەیان و چارەسەرى زانستى بۆ دەدۆزنەوە.
دەرناخ رەوف، سەرپەرشتیاری گشتی ئۆڵۆمپیاد بە 964ـى وت،”لە ئۆڵمپیادەکەدا 360 قوتابی بە 2019 پڕۆژە بەشدارن، کە پڕۆژەکان بنەماى کێشەیەکى ناو کۆمەڵگەن و چارەسەرى زانستیان بۆ دەدۆزرێتەوە”.
ئۆڵمپیادەکە ئەمساڵیش بە هەماهەنگى زانکۆى سلێمانى و بەڕێوەبەرایەتى گشتى پەروەردەى سلێمانى ئەنجام دەدرێت و تێیدا قوتابیانى زانکۆ و قوتابیانی یونایتد ساینس و قوتابخانە حکومییەکان بەشداریان تیادا کردوە، پڕۆژەکانیش لەلایەن لیژنەیەک لە مامۆستایانی زانکۆی سلێمانی هەڵسەنگاندنی بۆ دەکرێت.
بە وتەى دەرناخ رەوف، لە 10%ـى پڕۆژەکان بە مەدالیا ئاڵتونى خەڵات دەکرێن و 20%ـى پڕۆژەکانیش بە مەدالیای زیوی و 30%یان بە مەدالیای بڕۆنزی خەڵات دەکرێن.
وەک ئەوەى دەرناخ روونى کردەوە، پڕۆژەى یەکێک لە قوتابییەکان فەندى بۆ وەرگیراوە و کار لەسەر پڕۆژەکەى دەکرێت.
پێداچوونەوە- وریا فەتاح
