تابلۆی سەرۆکایەتی شارەوانی وەرتێ دەردەکەوێت. وێنە:964+
تەلەفونیان بۆ بکەن
شارەوانی وەرتێ لەبارەی ئاژەڵی مرداربوو داواکاری لە هاوڵاتییان هەیە
964+
ئاکام غەفور – سۆران
شارەوانی وەرتێ ئاگاداری ئاژەڵداران و هاوڵاتیانی سنوورەکەی دەکات، ئەگەر ئاژەڵی مرداربوویان بینی تەلەفون بۆ شارەوانی بکەن تیمێک ئەو ئەرکە لە ئەستۆ دەگرێت و هەڵیدەگرێتەوە ئەمەش بۆئەوەی بۆنی ناخۆش لە ناوچەکە بڵاونەبێتەوە.
هەژار حاجی سەرۆکی شارەوانی وەرتێ بە 964ـی وت، “هەر کە ئاژەڵێک مردار دەبێتەوە هاوڵاتییان لە شوێنی چۆڵی ناحیەکە فڕێی دەدەن، ئەمەش وایکردووە بۆنێکی ناخۆش بڵاودەبێتەوە داوامان لە خەڵک ئەوەیە هاوکارمان بن”.
وتیشی، “لەهەر شوێنێک ئاژەڵی مرداربوو هەبێت ئەگەر پەیوەندی بکەن تیمێکمان هەیە ئەو ئاژەڵە مردار بووە دەهێنن و لەشوێنێکی چۆڵ ژێر گڵی دەخەن”.
شارەوانی ناحیەی وەرتێ دوو ژمارەی داناوە بۆ ئەو کەسانەی ئاژەڵی مرداربوویان هەیە.
07503829627
07504414918
ناحیەی وەرتێ سەر بە قەزای رواندزە بەهۆی ئەوەی ناوچەیەکی شاخاوییە بەشێک لە دانیشتوانی خەریکی ئاژەڵدارین، بەشی زۆریشیان بە بەخێوکردنی مانگا سەرقاڵن.
چه‌ند گو‌ندێكی بنارى قه‌ندیل به‌ده‌ست ئاژەڵی بێ خاوەن هه‌راسانن
