لە کۆیە نەوت دابەش دەکرێتەوە

964+

پێشەوا محەمەد

لە سنووری قەزای کۆیە دووبارە نەوت دابەش دەکرێتەوە و هەر خێزانێک 100 لیتری بە 31 هەزار دینار پێدەدرێت.

پێشتر تەواوی خێزانەکانی سنووری قەزای کۆیە 200 لیتر نەوتی بە 103 هەزار دینارپێدراوە و ئەوەی ئێستا دێت گەڕی دووەمە.

“دابەشکردنی ئەو 100 لیتر نەوتە هەر لەسەر کۆبۆنی مانگی 12ـی ساڵی رابردووە و پێویستە هاوڵاتیان پارەکە بۆ بریکارەکانی خۆراکیان ببەن بۆ وەرگرتنی نەوتەکەیان”، ئەوە قسەی تارق حەیدەری، قایمقامی کۆیەیە بۆ 964.

دەشڵێت، نەوتەکە ئامادەیە و بەڕێوەبەرایەتیی نەوت و کانزاکانی هەولێر – کۆیە سەربەرشتی دەکات و “هەر بریکارێک تەواوی پارەی ئەو خێزانانە کۆبکاتەوە کە خۆراکیان بەسەردا دابەش دەکات، راستەوخۆ نەوتەکەی بۆ دەنێردرێت”.

کۆیە 120 هەزار دانیشتووی هەیە، پێنج ناحیە و 180 گوندی لەسەرە.

ئه‌و بڕه‌ نه‌وته‌ى كه‌ كۆیه‌ و سنووره‌كه‌ى پێویستییه‌تى بریتییه‌ له‌ 5 ملیۆن و 650 هه‌زار لیتر، كه‌ به‌سه‌ر 28 هه‌زار و 250 خێزانى ئه‌و سنووره‌ دابه‌ش ده‌كرێت.

دوو کەس لەسەر کوشتنی ژنەکەی کۆیە دەستگیرکراون