“بە توندى ئیدانەى هێرشکردنە سەر کێڵگەى غازى کۆرمۆر دەکەین”

964+

وریا فەتاح

باڵیۆزخانەى کەنەدا ئیدانەى هێرشەکەى سەر کێڵگەى غازى کۆرمۆر دەکات ودەڵێت: دڵمان لەگەڵ ئەو خانەوادانەیە کە لەم ناوەڕاستى زستانە بێ کارەبا بوون.

باڵیۆزخانەى کەنەدا لە تۆڕى کۆمەڵایەتى ئێکس، لەسەر هێرشکردنە سەر کێڵگەى غازى کۆرمۆر پەیامێکى بڵاوکردووەتەوە ودەڵێت: بەتوندى سەرۆکۆنەى هێرشى سەر کێڵگەى غازى کۆرمۆرى کوردستانى عێراق دەکەین.

“ئەم هێرشە، هێرشە لەسەر خەڵک وژێرخانى ئابورى وهەرێمى کوردستانى عێراق، بۆیە شایەنى قبوڵکردن نییە”، باڵیۆزخانەى کەنەدا واى نوسیوە.

دەشڵێت: دڵمان لەگەڵ هەموو ئەو خانەوادانەیە کە لەم ناوەڕاستى زستانەدا بێکارەبا بوون.

کاتژمێر 10:30 خولەکی دوێنێ شەوی پێنجشەممە بە هێرش کرایە سەر کێڵگەی غازی کۆرمۆر لە قادرکەرەم وئاگر لەناو وێستگەیەکی غازی کۆرمۆر بەرزبووەوە.

هێرش کرایە سەر کێڵگەی غازی کۆرمور لە قادرکەرەم

ئەمریکا چی دەڵێت لەسەر هێرشەکەی سەر کۆرمۆر؟