سەرمایەدارێکی هیندی بەشێوەیەکی کارەساتبار مرد
+964
ژووری هەواڵ
لە کاتی ئاهەنگ گێڕان بۆ یادی 25 ساڵەی دامەزراندنی کۆمپانیاکەی، سەرمایەدارێکی هیندی لە ئاسمان بەربووەوە و گیانی لەدەستدا.
سانگای شا دامەزرێنەرو سەرۆکی جێبەجێکاری کۆمپانیا (Vistex Asia)ی هیندییە، لەو کاتەی لە شاری حەیدەر ئاباد ئاهەنگی دەگێڕا بەبۆنەی دامەزراندنی کۆمپانیاکەی، لەو قەفەسە کەوتە خوارەوە کە بەبنمچی هۆڵەکەوە هەڵواسرابوو، پاش گەیاندنی بە نەخۆشخانە گیانی لەدەستدا.
لەگەڵ خاوەنی کۆمپانیاکە کەسێکی تر لەناو قەفەسەکەدا بوو، ئەویش کەوتە خوارەوەو بە سەختی بریندارە.
بەپێی لێکۆڵینەوە سەرەتاییەکان یەکێک لەو حەبلانە پچڕاوە کە قەفەسەکەی پێوە هەڵوەسراوەو لەبەرزی 4.5 مەترەوە کەوتووەتە خوارەوە.
پۆلیس رێکخەرانی ئاهەنگەکەی دەستگیر کردووەو لێکۆڵینەوەیان لەگەڵ دەکات.