فڕۆکەخانەی بەغدا لە کار کەوت

964+

هێمن بەکر – هەولێر

فڕۆکەخانەی نێودەوڵەتی بەغدا گەشتەکانی راگرت تاوەکو کاتێکی نادیار، بەهۆی ناسەقامگیری کەش و هەوا لە ئاسمانی ئەو شارە.

ئەمڕۆ شەممە، فڕۆکەخانەکە لە راگەیەندراوێکی فەرمیدا هاوڵاتیانی لەو راگرتنە ئاگادارکردووەتەوە.

لەو راگەیەندراوە هاتووە، کە مەودای بینین لە ئاسمانی بەغدا تاوەکو 200 مەتر کەمبووەتەوە، هەر بۆیە کاتێکی باش نییە بۆ فڕینی فڕۆکەکان.

فڕۆکەخانەی نێودەوڵەتی بەغداد، گەورەترین فڕۆکەخانەیە لە تەواوی عێراق، لە سەردەمی رژێمی بەعسی پێشوو دروستکراوە.