کاتی دانانی بەردەکان لەناو باخچەیەکی سلێمانیدا - وێنە: بەڕێوەبەرایەتی باخچەکانی سلێمانی
بۆچی ئەو کارە دەکەن؟
بەردی گەورە لەناو باخچەکانی سلێمانی دادەندرێت
964+
پێشەوا محەمەد
بەڕێوەبەرایەتی باخچەکانی سلێمانی بەردی گەورە دەخاتە ناو باخەچەکانی سلێمانی و بەڕێوەبەری باخچەکانیش دەڵێت، بۆ دوو ئامانج ئەو کارە دەکەن.
ئەو بەردانە لە شاخەکانەوە دەهێندرێن و بە چەند قۆناغێک دەگەیەندرێنە ناو باخچەکان.
بەهرۆز سالار، بەڕێوەبەری باخچەکانی سلێمانی بە 964ـی راگەیاند، پێشتر باخچەکان بووبوون بە ساحەی یاریی دووگۆڵی و چیمەنەکان زۆر خراپببوون و پێیان چارەسەر نەکراوە، بەڵام دانانی ئەو بەردانە چیمەنی باخچەکان دەپارێزێت و چیتر یارییان تێدا ناکرێت.
بەوتەی ناوبراو، ئامانجێکی تری دانانی ئەو بەردانە بۆ جوانییە، کە لەگەڵ چیمەن و داری باخچەکاندا دیمەنێکی سروشتیی جوان بە سەردانکەرانی باخچەکان دەبەخشێت.
لەناوشاری سلێمانی نزیکەی 500 باخچە بوونیان هەیە.
“پلانەکەمان وایە ئەو بەردانە بۆ زۆرینەی باخچەکانی ناوشاری سلێمانی دابین بکەین و دەستمانپێکردووە”، بەهرۆز سالار وای وت.
