نەخۆشخانەی هیوا لە سلێمانی _وێنە: 964
لە رێگەی فاست پەی
هەڵمەتی کۆکردنەوەی هاوکاری بۆ توشبووانی شێرپەنجە دەستیپێکرد
964+
ژووری هەواڵ
نەخۆشخانەی هیوا لە سلێمانی هەڵمەتێکی کۆکردنەوەی هاوکاری دارایی بۆ چارەسەرکردنی توشبووانی شێرپەنجە دەستپێکرد و هاوڵاتیان دەتوانن لە رێگەی فاست پەی و باڵانسی مۆبایل بەشداربن.
ئەمڕۆ دووشەممە 15.1.2024، د.یاد نەقشبەندی، بەڕێوەبەری نەخۆشخانەی هیوا بە 964ـی راگەیاند، لەسەر پێگەی فاست پەی بەشێکی تایبەت بە نەخۆشخانەکەی کراوەتەوە بەناوی “Fast Hope” و لەمەودوا یەکەم بەشی پێگەکە دەبێت، لە رێگەیەوە دەتوانرێت هاوکاری دارایی پێشکەش بکرێت.
“جۆرێکی دیکەی هاوکارییەکە لە رێگەی کڕینی کارتی مۆبایل و ئینتەرنێتەوە دابیندەکرێت”، د.یاد نەقشبەندی وای وت.
هاوکارییەکان لە رێگەی لیژنەیەکەوە کۆدەکرێتەوە و دواترش چاودێری دارایی سەرپەرشتی دەكات و دەرمان و پێداویستی پزیشكی پێ دابیندەكریت.
پێشتریش لە مانگی هەشتی ساڵی رابردوو، نەخۆشخانەی هیوا دوو هەژماری بانكی بۆ هاوكاریكردنی تووشبووانی شێرپەنجە کردەوە و خێرخوازان لە هەرکوێ بوونایە دەیانتوانی بە دینار و دۆلار پارەکانیان بنێرن.
