ئەگەر توانای پارەدانت نیە لای دایک و کوڕەکەی قەزای دوکان بێ بەرامبەر نان بخۆ

964+

بەرزان عوسمان – دوکان

لەبازاڕی قەزای دوکان، خواردنگەیەک هەیە کاغەزێکی هەڵواسیوە نووسیوەیەتی، “ئەگەر دەستت کورتە و توانای پارەدانت نیە، لێرە دەتوانی بێ بەرامبەر نان بخۆیت”.

ئامینە ئیسماعیل و رەهێل لەتیف دایک و کوڕن لە رێگەی کردنەوەی خواردنگەکەیەوە بژێوی ژیانی رۆژانەیان پەیدادەکەن، هەرکەسیش پارەی پێنەبێت دەتوانێت بێبەرامبەر لایان نان بخوات.

لە خواردنگەکەیان خواردنی برنج و شلە، گۆشت، نۆکاو، کولێرە بەقیمە و پیتزا پێشکەش بەهاوڵاتیان دەکەن.

ئامینە ئیسماعیل بۆ 964 قسەیکردووە دەڵێت، “خوای گەورە کە ئەم ماڵەی بەئێمە داوە بەتەنیا هی ئێمە نیە، بەڵکو هی ئەو کەسانەشە کە توانای دارایان باش نیە و دەتوانن بێبەرامبەر خواردن بخۆن”.

رەهێل لەتیف بە 964ی وت، “ماوەی چەند ساڵێکە لەگەڵ دایکم ئەم خواردنگەیەمان کردوەتەوە  لە پێناو خوای گەورەو وەک کارێکی ئاینی و مرۆیی ئەوکەسانەی کە دێنە خواردنگەکەمان و دەستیان کورتە یاخود پارەیان پێنیە بێبەرامبەر دەتوانن خواردن بخۆن”.

پێداچوونەوە: فەهمی نەبی

گەنجێکی دهۆک بەخۆڕایی خواردن دەداتە کرێکاران

+2