دیمهنێك له پڕۆژهى رێگاسازی كه له سنووره ناحیهى سێگردكان جێبهجێ دهكرێت... وێنه: راگهیاندنى ناحیه
زیاتر له چوار ملیاریان بۆ تهرخان كراوه
لە یەک کاتدا بۆ سێگردکان سێ پڕۆژە جێبەجێدەکرێن
964+
فهرهاد حهسهن
لە ناحیهى سێگردكانى سهر به قهزاى كۆیه، لهیهك كاتدا چهند پڕۆژهیهكی جیاواز له سنوورهكهیان جێبهجێ دهكرێت و لهوانهش تهندروستى و ئاو و رێگهوبانن.
پڕۆژەی چاککردنەوە و بەیەکەوە بەستنەوەی رێگای نێوان ناحیەی سێگردكان بۆ دێگەڵە لەسەر بودجەی وەزارەتی ئاوەدانکردنەوە جێبەجێ دەکرێت.
پڕۆژەی دروستکردنی خەزانی ئاوی خواردنەوەی گوندی سێکانی لەسەر بودجەی لەناکاوی پاڕێزگای هەولێر جێبەجێ دەکرێت.
پرۆژەی نۆژهنكردنهوه و فراوانکردنی بینای مەڵبەندی تەندروستی سێگردكان کە هۆڵی فریاکەوتن و دەرمانخانە و تاقیگەو ژووری پزیشک لە خۆدەگرێت لەلایەن بەڕێوەبەرایەتی گشتی تەندروستی کۆیە و مەڵبەندی تەندروستی سێگردكان جێ بەجێ دەکرێت.
بهكر فهیسهڵ، بهڕێوهبهرى ناحیهى سێگردكان به 964ـى وت، ماوهى تهواوكردنى ئهم پڕۆژانه كاتى جیاوازیان بۆ داندراوه، پڕۆژهكهى ئاو و تهندروستى له ماوهى دوو مانگدا تهواو دهكرێن، بهڵام پڕۆژهى رێگاسازییهكه ماوهى ساڵێكی بۆ داندراوه.
وتیشى “بۆ تهواوى ئهم پڕۆژانه نزیكهى چوار ملیار و 625 ملیۆن دینار تهرخان كراوه”.
ئاماژهى بهوهشكرد، بهردهوام سهردان و چاودێری ئهم پڕۆژانه دهكهن و پێویستە پڕۆژەکان بەپێی بڕگەکانی ناو دەرخستەکانیان بە شێوەی ستاندارد جێبەجێ بکرێن.
