وێنهى مندڵه دۆزراوهكهى رانیه، كه كهسوكارهكهى له سۆشیاڵ میدیاكان بڵاویان كردبووهوه
چی بەسەرهات؟
پشیلهیهك بووه هۆى بزربوونى منداڵێكی رانیه
964+
فهرهاد حهسهن
وابڵاوكرایهوه كه منداڵێك له قهزاى رانیه له ماڵ چووهته دهره و نهگهڕاوهتهوه، كهسوكارهكهى له سۆشیاڵ میدیاكان وێنهكهیان بڵاوكردهوه، بۆ ئهوهى لهدهستیان نهچێت و بگهڕێتهوه ماڵهوه.
964 سۆراغى ئهو منداڵهى كرد و دهركهوت، پشیلهیهك بووهته هۆى بزربوونى ئهم منداڵه و دواتر دۆزراوهتهوه و ئێستا له ماڵهوهیه.
منداڵهكه ناوى ئەروەند سابیر، تهمهن سێ ساڵه، به قسهى باوكى، دوێنێ له كۆڵانهكهیان پشیلهیهكی بینیوه و دواى كهوتووه تا چهند كیلۆمهترێك له ماڵهوه دووركهوتووتهوه.
سابیر قادر باوکی منداڵەکە به 964ـى وت، دواى دیارنهمانى منداڵەکەی، له ماڵهوه تۆڕه كۆمهڵایهتییهكانیان تێگهیاند كه ناو و وێنهى بڵاوبكهنهوه بۆ ئهوهى بیدۆزنهوه.
وتیشی “پهیوهندیمان به لایهنه پهیوهندیدارهكان كرد و دواتر لهلایهن نهخۆشخانهى سۆزى رانیه لهلایهن پۆلیسهوه دواى چهند كاتژمێرێك دۆزرایهوه و گهڕێندرایهوه ماڵهوه”.
باسی ئەوەشی کرد، كوڕهكهى باسی ئهو پشیلهیهى بۆ كردووه كه لهبهر دهرگهى ماڵهوهیان به دواى كهوتووه و له ماڵهوهیان دوورکەوتووەتەوە.
