ژمارەیەک فەرمانبەر لە کاتی روواندنی دارچنارەکاندا - وێنە: فەرمانگەی ژینگەی راپەڕین
لە جۆری چنارن
فەرمانگەی ژینگەی راپەڕین 400 نەمامی رواند
964+
پێشەوا محەمەد
ئەمڕۆ هەینی فەرمانگەی ژینگەی راپەڕین بە هاوکاری دەزگای فام 400 داری چناری لە شەقامی 40 مەتری زانکۆ روواندوە و فەرمانگەکە دەڵێت، دەستیان بە زیادکردنی سەوزایی کردووە.
فەرمانگەکە ماوەی مانگێکە هەڵمەتی زیادکردنی سەوزایی راگەیاندووە و کۆمپانیا و دامەزراوە و فەرمانگە و هاوڵاتیان بەشدارن.
محەمەد کەریم، بەڕێوەبەری فەرمانگەی ژینگەی راپەڕین بە 964ـی راگەیاند، روواندنی ئەو دارانە لە چوارچێوەی هەڵمەتی زیادکردنی سەوزایی بووە و بەردەوامیش دەبن و ئومێدی هەیە رێژەی سەوزایی لە سنوورەکە بە زوویی زیاد ببێت.
ئێستا رێژەی سەوزایی سنوورەکە 10٪ـە و لە هەندێ شوێنی تریش کەمترە، ئەوە بەپێی زانیارییەکانی فەرمەناگەی ژینگەی راپەڕین.
964 پرسیاری پاراستن و خزمەتکردنی ئەو سەوزاییەی لە بەڕێوەبەری فەرمانگەی راپەڕین کرد، ئەویش لە وەڵامدا وتی، “هەرشوێنێک بزانین ئاوی نەبێت و خزمەت ناکرێت سەوزی ناکەین، خزمەتکردنی 10 هەزار نەمام و مانەوەی باشترە لە روواندنی 100 هەزار و وشکبوونی”.
