لەبارەی رووداوەکەی سەرگەڕان هاتوچۆی هەولێر راگەیەنراوی هەیە

964+

ژووری هەواڵ

ئێوارەی ئەمڕۆ بەهۆی پێداکێشانی دوو ئۆتۆمبێڵ و پاسێک 14 کەس برینداربوون و کەسێک لەو رووداوە گیانیلەدەستداوە ئەمەش بەپێی راگەیەنراوی هاتوچۆی هەولێر.

ئەگەرچی سەرەتای رووداوەکە ئەفسەرێکی هاتوچۆی دیبەگە بە 964ی راگەیاندبوو ژمارەی ئەوانەی برینداربوونە 18 کەسە و بەشێکیان گواستراونەتەوە کەرکوک، بەڵام هاتوچۆی هەولێر جەخت لە 14 بریندار دەکاتەوە.

عەقید هێمن حەمەدەمین وتەبێژی هاتوچۆی هەولێر بە 964ی راگەیاند، رووداوەکە کاتژمێر 5:30 لەنزیک گوندی پیرەباد روویداوە و 14 بریندار بوون و یەکێکیش گیانیلەدەستداوە کە تەمەنی لە خوار 15 ساڵیە و حاڵی سێ لە بریندارەکانیش خراپە.

دوای رووداوەکە 964 پەیوەندی بە نەخۆشخانەی رۆژهەڵاتی هەولێرەوە کرد، ئەوان وتیان 13 برینداری ئەو رووداوە گەیەنراونەتە نەخۆشخانەی فریاکەوتنی رۆژهەڵات و تەندروستیان جێگیرە.

لە رووداوێکی هاتوچۆ سەروو 18 کەس بریندارن