لە تونێلەکە تا ناو بازاڕ دەربەندیخان رووناک دەکرێتەوە

964+
ئەحمەد مستەفا

به‌ڕێوه‌به‌رایه‌تی گشتیی كاره‌بای سلێمانی و له‌سه‌ر بودجه‌ی داهاتی 8%ی كاره‌با به‌بڕی زیاتر له‌ 179 ملیۆن دینار پرۆژه‌یه‌كی كاره‌با له‌ دەربەندیخان جێبه‌جێده‌كات.

پرۆژه‌كه‌ بریتییه‌، له‌ دانانى تۆڕى رووناكى بۆ شەقامى سەرەکى لە تونێڵەکە تا ناو بازاڕى دەربەندیخان.

ئەمڕۆ یەکشەممە 26.11.2023 سیروان محەمەد، بەڕێوبەری راگەیاندن و پەیوەندییەکانی کارەبای سلێمانی بە 964ی وت، له‌لایەن به‌ڕێوه‌به‌رایه‌تی دابه‌شكردنی كاره‌بای دەربەندیخانەوە سەرپەرشتی پڕۆژەکە دەکرێت.

‌بودجه‌ی پڕۆژه‌كه‌ بریتییه‌ له‌ 179 ملیۆن و دووسەد و هەشتا و حەوت هەزار دینار، كه‌ له‌لایه‌ن كۆمپانیای روانین جێبه‌جێ ده‌كرێت، بەوتەی سیروان محەمەد بێت، “بڕیاره‌ له‌ماوه‌ی 170 رۆژدا كاره‌كانی ته‌واو بکرێت”.

رێگای نێوان دەربەندیخان - چنارە نۆژەنکرایەوە