هەنگەوانێک سەرقاڵی بەرهەمی هەنگەوانیە. وێنە: 964+
زۆرترینیان لە دهۆکن
هەرێمی کوردستان خاوەنی هەشت هەزار هەنگەوانە
964+
پێشەوا محەمەد
بەپێی ئامارەکانی وەزارەتی کشتوکاڵی هەرێم، هەشت هەزار و 34 هەنگەوان لە هەرێم کاری بەرهەمهێنانی هەنگوین دەکەن و پارێزگای دهۆکیش زۆرترین هەنگەوانی هەیە.
964 لە وەزارەتی کشتوکاڵی حکومەتی هەرێمەوە دەزانێت، لە دهۆک سێ هەزار و 259 هەنگەوان، لە سلێمانی دوو هەزار و 140 هەنگەوان، لە هەولێر 993 هەنگەوان، لە هەڵەبجە 157 هەنگەوان بوونیان هەیە.
هەر بەپێی ئامارەکانی وەزارەتی کشتوکاڵی هەرێم، لە ئیدارەی سەربەخۆی گەرمیان 140 هەنگەوان و ئیدارەی سەربەخۆی سۆران 107 هەنگەوان و ئیدارەی سەربەخۆی راپەڕین 904 هەنگەوان و ئیدارەی سەربەخۆی زاخۆ 334 هەنگەوانیان هەیە.
بەرهەمی ساڵی رابردووی ئەو هەنگەوانانە بەپێی ئەو ئامارەی وەزارەتی کشتوکاڵ داویەتی بە 964 زیاتر لە ملیۆنێک و 600 هەزار کیلۆ بووە.
“ژمارەی هەنگەوانەکانی هەرێم زیاترن، بەڵام هەموویان کارەکەیان نەکردووە بە پیشە و نەیانکردووە بە سەرچاوەی بژێویی ژیانی خۆیان”، ئەوە قسەی ئەحمەد پشدەری، سەرۆکی رێکخراوی هەنگەوانانی کوردستانە.
وتیشی، “بۆ هەنگەوانانی هەرێم زۆر گرنگە هاوردەکردنی هەنگوین قەدەغە بکرێت و تەنیا هەنگوینی بەرهەمی ناوخۆ لە هەرێمی کوردستاندا بفرۆشرێت”.
مانگی هەشتی ئەمساڵ شازدەهەمین کۆنگرەی نێودەوڵەتیی هەنگەوانانی ئاسیا، لە عەرەبستانی سعوودیە بەڕێوەچوو و هەنگوینی کوردستان بە باشترین هەنگوینی ساڵ دەستنیشان کرا.
بەرهەمی هەنگوین لە دهۆک 20% زیاد بکات
