بنکەی سەربازیی عەین ئەسەد لە ئەنبار
لەماوەی مانگێدا 45 سەربازیان برینداربوون
وەزارەتی بەرگری ئەمریکا: کەسێکمان لە هەولێر بریندار بووە
964+
ژووری هەواڵ
وەزارەتی بەرگری ئەمریکا دانی بەوەدا ناوە لەو هێرشانەی لە عێراق و سوریا کراوەتە سەریان 45 کەسیان بریندار بوون، یەکێک لەوانە لە بنکە ئاسمانییەکەی هەولێر بووە.
ئاژانسی ئەسیۆشەیتد پرێس بە پشت بەستن بە زانیارییەکانی پنتاگۆن رایگەیاندووە لەو هێرشانەی رۆژانی 17و 18ی مانگی رابردوو لە عێراق و سوریا کراوەتە سەریان 45 کەس بریندار بوون، 32 لەوانە لە بنکەی تەنەف بووە لە باشووری خۆرهەڵاتی سوریا، 13 کەسیشیان لە بنکەی عەین ئەسەد بوون لە خۆرئاوای عێراق، لەوانە چواریان تووشی سەرشڵەقان بوون و نۆ کەسەکەی دیکە بە سوکی بریندارن.
سەبارەت بە هەرێمی کوردستانیش پنتاگۆن وتوویەتی: کەسێک لە بنکەی ئاسمانی هەولێر بریندار بووە، بەڵام روون نییە ئاخۆ مەبەستیان بنکەکەی فڕۆکەخانەیە یاخود ئەوەی هەریر.
