یه‌كه‌مجاره و نرخه‌كه‌شی گرانه
میوه و سەوزەی وشککراوی تایلەندی لە دهۆک دەفرۆشرێت
964+
هیڤی دێوالی -دهۆک
لە بازاڕی دهۆک، سه‌وزه و میوه‌ى وشککراوی تایلەندی خواستێکی زۆری لەسەرە، هه‌رچه‌نده نرخه‌كه‌ى گرانه‌و یه‌ك كیلۆ له‌سه‌رووى 30 هه‌زاره‌وه‌یه.
میوه و سەوزە وشککراوەکان بریتین له تەماتە، کەرەوز، خەیار، فاسۆلیای تەڕ، بامیە، شێلم، پیاز، باینجان، کولەکە و قارچک و لە فرۆشگایه‌کی چەرەزات لە بازاڕی دهۆک دەفرۆشرێن.
محەمەد تاهیر، خاوەن فرۆشگایەکی چەرەزاتە بە 964ـى وت، هەفتەیەکە ئەم میوه و سەوزە وشککراوە لە تایلەندەوە بۆیان هاتووە و دەیفرۆشن.
ده‌شڵێت “نرخی یه‌ك كیلۆ به 34 هەزار دیناره”.
باسی له‌وه كرد ئه‌و میوه‌و سه‌وزه‌یه یه‌كه‌مجاره دێته دهۆك و تامێکی نوێ و خوشی هەیە، هەر ئەمەش وایکردووە خواستێکی زۆری لەسەربێت، زیاتر لە 10 جۆری سەوزە بەیەکەوە تێکەڵ کراون.
“سەوزە وشکراوە تایلەندییه‌کە هەر لە دهۆکەوە بۆ ناوەڕاست و باشووری عێراق دەنێردرێت، بەڵام لە بەغدا نرخى یه‌ك كیلۆى تا 45 هەزار دینار بەرزدەبێتەوە” ئه‌مه‌ش قسه‌ى محەمەد تاهیرى چه‌ره‌زاتفرۆشه‌كه‌ى دهۆكه.
پێداچوونه‌وه: فه‌رهاد حه‌سه‌ن
ئەمڕۆ لە دهۆك تەماتە بە 500 و پیاز بە 750 دینارە
