ژنێکی تەمەن 97 ساڵ پاتری دڵی بە خۆڕایی بۆ دانرا
964+
هیڤی دێوالی – دهۆک
بۆ یەکەمجار لە سەنتەری دڵ لە نەخۆشخانەی ئازادی لە پارێزگای دهۆک، ژنێکی تەمەن 97 ساڵ پاتری دڵی بە خۆڕایی بۆ دانرا.
ئەو ژنە خەڵکی قەزای ئاکرێیە، ماوەی هەفتەیەک لە نەخۆشخانەی ئاکرێ لە ژێر چاودێری پزیشکی بووە.
د. ماهر محەمەد، تایبەتمەندی نەشتەرگەری دڵ بە 964ـى وت، لێدانی دڵی ئەو ژنە 20% بوو، پێویستی بە دانانی پاتری هەبوو.
وتیشی، بەهۆی تەمەنە زۆرەکەیەوە، نەیانتوانیوە بەنجی گشتی بۆ نەخۆشەکە بکەن و بە یەک کاتژمێر نەشتەرگەرییەکەی بۆ ئەنجامداوە.
ئاماژەی بەوەشکرد، “نەشتەرگەریەکەی لە سەنتەری دڵی نەخۆشخانەی ئازادی بۆ کراوە، پاترییەکی بەبێ بەرامبەر بۆ دانراوە، دوای چوار کاتژمێر لە نەشتەرگەری، ژنەکە تەندروستی باش بووە و لەگەڵ کەسوکارەکەی بە پێی خۆی گەڕاوەتەوە ماڵەوە”.
بە قسەی ئەو پزیشکە، ئێستا تەندروستی ئەو ژنە باشتر بووە، لێدانی دڵی ئێستا لە 60% دایە، دوێنێش بەرمەجەی پاتریەکەیان بۆ گۆڕیوە.
پێداچوونەوە: هاوبەش ئەبوبەکر
