یەکێک لەو کورانەی کە دۆزراوەتەوە. فۆتۆ: پۆلیسی دارستانی سلێمانی
خاوەنی کورەکاندا دیار نین
لە سنورى گەرمک حەوت کورەى خەڵوز تێکدران
964+
ژووری هەواڵ
پۆلیسی دارستان و ژینگەی ناڵپارێز لە پێنجوێن، لە گەڕانەکانیاندا حەوت کورەی خەڵوزیان دۆزیوەتەوە کە بەکارهێنراون بۆ سوتاندنی دار و خەڵوزکردن.
ئەمڕۆ یەکشەممە 17.11.2024، پۆلیسی دارستان و ژینگەی سلێمانی رایگەیاند، لە دەرچوونێکدا بۆ گوندەکانی شێرە، جاژوو و عەوەڵان، توانرا حەوت کورەی دروستکردنی خەڵوز بدۆزرێتەوە و هەموو کورەکان تێکدران.
هیچ کەسێک لەسەر دروستکردنی کورەکان دەستگیر نەکراوە، پۆلیسی دارستان و ژینگە لەگەڵ ئاسایشی ناحیەی گەرمک، بەدوای خاوەنی کورەکاندا دەگەڕێت.
بە پێی یاسای دارستانەکان لە هەرێمی کوردستان، سزای داربڕین 500 هەزار دینار یان سێ مانگ بەندکردنە.
