دیمەنی بۆردومانی غەزە لە لایەن ئیسرائیلەوە - فۆتۆ: سۆشیال میدیا
هەشت بریندارن و نۆش بێسەروشوێن
31 رۆژنامەنووس لە شەڕی نێوان ئیسڕائیل و غەزە کوژراون
964+
پێشەوا محەمەد
لە ماوەی 24 رۆژی بەردەوامی شەڕی نێوان ئیسڕائیل و غەزەدا 31 رۆژنامەنووس کوژراون و کۆمیتەی پاراستنی رۆژنامەنووسان داوای پاراستنی ژیانیان دەکات.
کۆمیتەکە کە بە CPJ ناسراوە لە راگەیەندراوێکدا دەڵێت، هەشت رۆژنامەنووس بریندار بوون و نۆشیان بێسەروشوێنن یان راگیراون.
راگەیەندراوی کۆمیتەکە لە زاری شێریف مەنسوڕ، رێکخەری بەرنامەکانی رۆژهەڵاتی ناوەڕاست و ئەفریقای کۆمیتەکە بڵاوی کردووەتەوە، “رۆژنامەنووسان لە سەرانسەری ناوچەکەدا قوربانییەکی گەورە دەدەن بۆ رووماڵکردنی ئەم ململانێ دڵتەزێنە. بە تایبەتی ئەوانەی لە غەزەن، پارەیەکی بێوێنەیان داوە و بەردەوامیشیان هەیە و رووبەڕووی هەڕەشەی بەرچاو دەبنەوە”.
دەشڵێت، رۆژنامەنووسان مەدەنین و لە کاتی قەیرانەکاندا کاری گرنگ دەکەن و نابێت لە لایەن لایەنە شەڕکەرەکانەوە بکرێنە ئامانج.
کۆمیتەی پاراستنی رۆژنامەنووسان CPJ رێکخراوێکی سەربەخۆ و قازانج نەویستە و ئازادیی ڕۆژنامەگەری لە سەرانسەری جیهاندا بەرەوپێش دەبات. بەرگری لە مافی رۆژنامەنووسان دەکەن، کە بە سەلامەتی و بە بێ ترس هەواڵەکان بڵاوبکەنەوە.
