سیستمی کاشێڕی دووڕوو لە مارکێتێکدا - وێنە: قایمقامییەتی قەزای رانییە
بۆ ئەوەیە گزی نەکەن
داوا دەکرێت مارکێت و هەرزان بازاڕەکان کاشێری دووڕوو بەکاربهێنن
964+
پێشەوا محەمەد
قایمقامییەتی قەزای رانییە داوا لە مارکێت و هەرزانبازاڕ و مۆڵەکان دەکات کاشێری دووڕوو بەکاربهێنن تا کڕیارانیش نرخی کەلوپەلەکان ببین لە کاتی حسابکردندا.
لیژنەکانی قایمقامییەت بەسەر مارکێت و مۆڵەکاندا گەڕاوە و سەرەتا بەو مارکێت و مۆڵانەی جێبەجێ دەکەن کە گەورەن.
کارزان سلێمان، سەرۆکی لیژنە هاوبەشەکانی قایمقامییەتی رانییە بە 964ـی وت، “ئەو سیستمە گرنگە بۆ ئەوەی خاوەن مارکێت و دوکان و شاگردەکانیان هەوڵی زیادوەرگرتن نەدەن و کڕیاریش راستەوخۆ نرخی ئەو شتانە ببینێت کە کڕیونی”.
دەشڵێت، چەند حاڵەتێک هەبووە لەبەرئەوەی کڕیار شاشەی کاشێرەکەی نەبینیوە نرخی زیاتری بۆ حساب کراوە و لێیوەرگیراوە.
قایمقامییەتی رانییە بە نیازە بە شێوەی قۆناغبەندی سەرجەم مارکێت و دوکان و مۆڵەکان ناچار بکات ئەو سیستمی کاشێرە بەکاربهێنن.
بەپێی بەدوای بەدواداچوونێکی 964 دەرکەوتووە، دانانی سیستمێکی کاشێری دووڕوو بڕی 450 بۆ 550 دۆلاری تێدەچێت.
