کۆیە: ماتۆڕسوارێک بە سەختی بریندار بوو

964+
رێژوان مامە قادر – سلێمانی

لە ناو شاری کۆیە ئۆتۆمبێلێکی جۆری لانسەر لەگەڵ ماتۆڕسکیلێک پێکیاندا کێشا و هاتوچۆی کۆیەش دەڵێت، شۆفێری ماتۆڕسکیلەکە بە سەختی بریندارە و رەوانەی هەولێر کراوە.

سەنگەر سەعید، وتەبێژی هاتوچۆی کۆیە بە 964ی راگەیاند، رووداوەکە کاتژمێر 7:30ی ئەمشەو لە شەقامی هەناری نزیک بانکی کۆیە روویداوە.

وتەبێژەکەی هاتوچۆی کۆیە باسی لەوەش کرد، شۆفێری ماتۆڕسکیلەکە 35 ساڵە و خێزاندارە و منداڵێکی هەیە و بە سەختی بریندار بووە.

وتیشی، “هۆکاری رووداوەکە ئەوە بووە ئۆتۆمبێلی جۆری لانسەرەکە بەهۆی ئەوەی بە خێرایی رۆیشتووە، چووەتە سایدی بەرامبەری و خۆی بە ماتۆڕسکیلەکەدا کێشاوە”.

لە رۆژی هەینییەوە ئەوە سێیەم رووداوی هاتوچۆیە لە سنووری هاتوچۆی کۆیە رووبدات و بەهۆیەوە نۆ کەس بریندار بوون.

پێداچوونەوە: ئەرسەلان عەبدوڵا

لە چیای باواجی کۆیە بارهەڵگرێک وەرگەڕا