بەشێک لە قەرەوێڵەکان لەناو نەخۆشخانەی شەهید پێشڕەو لە چەمچەماڵ - وێنە: پەیجی تەندروستیی چەمچەماڵ لە فەیسبووک
داوای زیاتر دەکەن
20 قەرەوێڵەی نەخۆش بۆ چەمچەماڵ دابین کرا
964+
پێشەوا محەمەد
کۆمپانیای دانا غاز 20 قەرەوێڵەی نەخۆشی بۆ تەندروستیی چەمچەماڵ دابین کرد و بەرپرسێکی تەندروستیی شارەکەش دەڵێت، نەخۆشخانەکانیان وەک پێویست نین.
ئەمڕۆ پێنجشەممە 19.10.2023 ئەو قەرەوێڵانە رادەستی تەندروستیی چەمچەماڵ کراون و ئێستا لە نەخۆشخانەی د.شەهید پێشڕەو داندراون.
چەمچەماڵ خاوەنی دوو نەخۆشخانەی گشتییە ئەوانیش د.شەهید پێشڕەو و باسەڕەن.
“دانیشتوانی قەزاکە 250 هەزار کەسن و پێویستمان بە نەخۆشخانەیەکی 150 قەرەوێڵەییە بۆمان دروست بکرێت”، ئەوە قسەی شەریف رەحیم، یاریدەدەری بەڕێوەبەری تەندروستیی چەمچەماڵە بۆ 964.
وتیشی، “ئێستا نەخۆشخانەیەکی 100 قەرەوێڵەیی لە لایەن خێرخوازێکەوە دروست دەکرێت و نەخۆشخانەیەکی منداڵانیش لە جێبەجێکردندایە و بە تەواوبوونیان تەندروستیی شارەکەمان هەنگاوێک دەچێتە پێشەوە”.
قەزای چەمچەماڵ لە حەوت ناحیە و 317 گوند پێکدێت.
