ئۆتۆمبێلە دزراوەکە. فۆتۆ: پۆلیسی سلێمانی
خاوەنی ئۆتۆمبێلەکە سکاڵای کردووە
لە دەربەندیخان کەسێک لەسەر دزینی ئۆتۆمبێلێک دەستگیر کرا
964+
هاوبەش ئەبوبەکر
پۆلیسی سلێمانی دەستگیرکردنی کەسێکی لە دەربەندیخان راگەیاند کە ئۆتۆمبێلی هاوڵاتییەکی دزیبوو.
ئەمڕۆ دووشەممە 16.10.2023، بەڕێوەبەرایەتیی پۆلیسی سلێمانی رایگەیاند، خاوەنی ئۆتۆمبێلەکە سکاڵای تۆمارکردووە و بنکەی پۆلیسی دەربەندیخان تۆمەتبارەکە و ئۆتۆمبێلەکەیان دۆزیوەتەوە.
ئۆتۆمبێلەکە لە جۆری “تۆیۆتا هایلوکس”ـە، کە بە مەرزیە ناسراوە و دەستیبەسەردا گیراوە.
تۆمەتبارەکە بەپێی مادەی 446 لە یاسای سزادانی عێراقی دەستگیرکراوە و لێکۆڵینەوەی لەگەڵدا دەکرێت.
