هەواڵ
لە کارگەیەک بووە
لە گوندێکی کەڵەک بەهۆی دەمەقاڵێوە گەنجێک کوژرا
964+
زەید کۆچەر – دهۆک
ئێوارەی ئەمڕۆ لە گوندێکی ناحیەی کەڵەکی سنووری دهۆک، بەهۆی دەمەقاڵێوە گەنجێک لەلایەن کەسێکی نزیکی خۆی درایە بەر چەقۆ و کوژرا.
رووداوەکە لە کارگەیەکی چەو و لم بووە و هێزە ئەمنیەکان گەیشتوونەتە شوێنی رووداوەکە.
عەقید عەلی گەرزە، بەڕێوەبەری پۆلیسی کەڵەک بۆ 964 وتی، “رووداوەکە لە گوندی تورکماس بووە، ئەوانەی شەڕیان کردووە خاڵ و خاڵۆزای یەکترن، یەکێکیان بەچەقۆ هێرشی کردووەتە سەر ئەوەی دیکە و کوشتویەتی”.
گوندی تورکماس سەر بە ناحیەی کەڵەکە و دەکەوێتە نزیک قەزای حەمدانییە.