خێرخوازێک دروستیکردووە
سەنتەرێکی حەوانەوە بۆ خانەنشینانی کۆیە كرایه‌وه
964+
رێژوان مامە قادر – سلێمانی
بۆ یەکەمجار سەنتەرێکی حەوانەوە لە شاری کۆیە بۆ خانەنشینانی سنوورەکە دەکرێتەوە و قایمقامی قەزای کۆیەش دەڵێت، سەنتەرەکە خێرخوازێک دروستیکردووە.
تارق حەیدەری، قایمقامی کۆیە بە 964ی وت، سەنتەرەکە یاریدەدەری پزیشکی و پاسەوانی تێدایە بۆ ئەگەری روودانی هه‌ر حاڵەتێكی له‌ناکاو.
دەشڵێت “سەنتەرەکە کافێیەکی هەیە و خزمەتگوزارییەکان لە سەرەتادا بێبەرامبەرن”.
به‌قسه‌ى قایمقامی كۆیه، ناسنامە بۆ ئەو خانەنشینانە دروستدەکرێت کە سەردانی سەنتەرەکە دەکەن و له به‌رامبه‌ریشدا مانگانەیەکی کەمیان لێ وەردەگیرێت.
پێداچوونه‌وه: فه‌رهاد حه‌سه‌ن
+2
ئەمساڵ هەر رۆژێک دوو ئاگرکەوتنەوە لە کۆیە هەبووە
