وەستا و کرێکار کار لە بەشێکی پارکەکەدا دەکەن. وێنە: 964
پارکی هەواری شاری سلێمانی نوێ دەکرێتەوە
964+
رێژوان مامە قادر – سلێمانی
پارکی هەواری شار ئیشی لەسەرە و بەڕێوەبەری پارکەکە دەڵێت، تا بەهاری داهاتوو کارەکانیان تەواو دەکەن.
964 دەزانێت، تەوالێتەکان، سەوزاییەکانی پارکەکە، شەقام و شۆستەکان کاریان لەسەرە و سەرجەمیان نۆژەن دەکرێنەوە.
فەرەیدون عومەر، بەڕێوەبەری پارکی هەواری شار لە سلێمانی بە 964ـی راگەیاند، گلەییەکی زۆر لەسەر توالێتەکانی پارکەکە هەبوون و چاک دەکرێن، دارەکانیش ئەوانەی پێویستیان بە بڕین بوو دەبڕێن و پێویست بە نەمامی نوێش بکات دەڕوێندرێت.
وتیشی، “چەند بووحەیرەیەک لەناو پارکەکە دروست دەکەین تا ئاویان تێدا کۆبێتەوە و سیمایەکی جوانتر بە پارک و گەشتیاران بدات”.
پاركی هەواری شار، لە سەر رووبەری 4400 دۆنم زەوی دروستكراوە. دەكەوێتە باكوری رۆژئاوای شاری سلێمانی و زیاتر لە سێ هەزار جۆر نەمام و گوڵی تێدا روێندراوە.
