دیمەنێکی شاری سلێمانی - وێنە: 964
هێڵە گەرمەکانی فریاکەوتنی سلێمانی کەوتنەوە کار
964+
دیلان محەمەد جەزا
شەوی رابردوو بەهۆی کێشەیەکی تەکنیکیەوە کێشە لە چەند هێڵێکی گەرمی شاری سلێمانی دروست بوو، بەڵام دواتر کەوتوونەتەوە کار.
رائید ئارام عەلی وتەبێژی بەرگری شارستانی سلێمانی بە 964ـی وت، شەوی رابردوو بەهۆی بوونی کێشەی تەکنیکی لە هێڵی کوردتێل هێڵی گەرمی بەرگری شارستانی وەستا.
هاوکات، عەقید سەلام عەبدولخالق وتەبێژی ئاسایشی سلێمانی بۆ 964 هەمان شتی دووپاتکردەوە و وتی، کێشەکە تەکنیکی بووە لە کۆمپانیای کوردتێلەوە و حاڵەتێکی ئاسایی بووە.
964 دەزانێت، درەنگانی شەوی رابردوو کێشەکە چارەسەر کراوە و ئێستا هاوڵاتیان دەتوانن پەیوەندی بکەن بە هێڵی گەرمی 115 لەکاتی هەبوونی هەر حاڵەتێکی کتوپڕدا.
