بینای پەروەردەی شارباژێڕ - وێنە: پەیجی بەڕێوەبەرایەتییەکە لە فەیسبووک
شارباژێڕ بووە خاوەن حەوتەم باخچەی منداڵان
964+
پێشەوا محەمەد
هەفتەی رابردوو باخچەیەکی ساوایان لە گوندی سنکێی شارباژێڕ کرایەوە و بەوەش شارباژێڕ بووە خاوەنی حەوتەم باخچەی منداڵان.
300 منداڵ لە باخچەکاندان.
“ئەمساڵ بڕیارێکی نوێ هەبوو لە وەزارەتی پەروەردەوە، کە لە هەر گوندێک پێویست بوو باخچە بکرێتەوە بۆ ئەوەی منداڵانی گوند و منداڵی مامۆستاکان تێیدا بخوێنن”، ئەوە قسەی لەتیف حسێن، بەڕێوەبەری پەروەردەی شارباژێڕە بۆ 964.
وتیشی، “باخچەکان هەر بە بینای قوتابخانەکانەوە دروست دەکرێن و چەند ژوورێکیان بۆ زیاد دەکرێت و رێکخراوە نێودەوڵەتییەکان هاوکاریمان دەکەن”.
لە سنووری پەروەردەی شارباژێڕ 99 قوتابخانە بوونیان هەیە.
