وێنەی کۆگا داخراوەکە. فۆتۆ: دامەزراوەی کوالێتی کۆنترۆڵی دەرمان
هاوڵاتیان سکاڵایان کردبوو
لە ھەولێر 10 شوێنی دەرمانسازی داخران
964+
هاوبەش ئەبوبەکر
لە هەولێر 10 شوێنی دەرمانسازی داخران، دامەزراوەی کوالێتی کۆنترۆڵی دەرمانیش دەڵێت، لەلایەن هاوڵاتیانەوە سکاڵایان لێکراوە.
ئەو شوێنانەی کە داخراون پێکهاتوون لە شەش کۆمپانیای هاوردەکردنی دەرمان، دوو دەرمانخانە، کۆگایەکی دەرمان و نۆرینگەیەکی لاکۆڵان.
ئەمڕۆ پێنجشەممە 28.9.2023، دامەزراوەی کوالێتی کۆنترۆڵی دەرمان لە فەیسبوک رایگەیاند، ئەو شوێنانە بە هۆکاری جیاواز لە سەرپێچیکردنی یاسا و رێنماییەکانی وەزارەتی تەندروستی داخراون.
دەشڵێت، “سەرپێچیکاران بەپێی رێنمایی ژمارە 11ـی ساڵی 2023 رووبەڕووی سزای قورس دەکرێنەوە”.
