ئۆتۆمبێلێک کە چەند دارێکی بڕدراوی تێدایە - وێنە: پۆلیسی دارستان و ژینگەی سلێمانی
60 داربڕ دەستگیرکراون
کەسێک لە سیتەک لەسەر داربڕین دەستگیرکرا
964+
پێشەوا محەمەد
پۆلیسی دارستان و ژینگەی سلێمانی لە سیتەک کەسێکیان دەستگیر کردووە، کە داری سروشتی بڕیبووەوە.
کەسەکە ئەمڕۆ پێنجشەممە 28.9.2023 لە گوندی کانی ساردی سەر بە سیتەک دەستگیر کراوە.
هێمن کەمەرخان، وتەبێژی پۆلیسی دارستان و ژینگەی سلێمانی بە 964ـی راگەیاند، مەفرەزەکانیان لە کاتی بڕینەوەی دارەکاندا ئەو کەسەیان بینیوە و راستەوخۆ دەستگیریان کردووە.
وتیشی، “دەست بەسەر دارە بڕاوەکان و ئۆتۆمبێلەکەشیدا گیراوە و رادەستی دادوەر کراوە بۆ لێکۆڵینەوە”.
لە سنووری بەڕێوەبەرایەتیی پۆلیسی دارستان و ژینگەی سلێمانیدا ئەوە 60ـەمین کەسە ئەمساڵ بەهۆی داربڕینەوە دەستگیر دەکرێت.
