لە نەخۆشخانەکانی کەلار بایکۆت کۆتایی پێهات

964+

میلاد جەلال – کەلار

دوای زیاتر لە هەفتەیەک مانگرتنی کارمەند و پزیشکانی نەخۆشخانەی گشتی کەلار، کارمەندان و پزیشکانی نەخۆشخانەکە بڕیاریانداوە بایکۆت بشکێنن و ئیتر نەخۆش وەربگرن.

حارس محەمەد بەڕێوەبەری نەخۆشخانەی گشتی کەلار بە 964ی وت، “لە ئەمڕۆوە کۆتایمان بە بایکۆت ھێناوە و دەست بە دەوامکردن دەکەینەوە”.

بەڕێوەبەری نەخۆشخانەی گشتی کەلار دەڵێت، ئەمڕۆ و سبەی نەخۆشخانەکە خاوێن دەکرێتەوە، بەھۆی ئەوەی چوارشەممە پشووی فەرمییە و پێنجشەمەش دەوام ناکەن، لە ڕۆژی یەکشەممەوە دەوامی ئاسایی دەستپێدەکاتەوە.

لەماوەی چەند هەفتەی رابردوو، بەهۆی بایکۆتەوە سێ کەس گیانیان لەدەستداوە:

پێنەدانی موچە و بایکۆت بوونە هۆی گیانلەدەستدانی سێ کەس

بەوتەی حارس محەمەد، نەخۆشخانەی قەڵا لە کەلار بەھەمان شێوە لە رۆژی یەکشەممەوە دەست دەکەن بە وەرگرتنی نەخۆش و حاڵەتەکانی سکچون و ڕشانەوە.

لەماوەی رابردوو لەچەندین شوێنی هەرێم بەهۆی دواکەوتنی موچەکانیان فەرمانگە و نەخۆشخانە حکومییەکان بایکۆتیان راگەیاند، نەخۆشخانەکانی کەلار لەناو لیستی ئەو شوێنانە بوون کە بایکۆتیان راگەیاند.

پێداچوونەوە: فەهمی نەبی

شایەتحاڵێک: نەخۆشخانە کەسی لێنەبوو ئەم گەنجە چارەسەر بکات تا گیانی لەدەستدا

"بە هۆی بایکۆتەوە یوسفی دوو مانگان گیانی لەدەست دا"