دیمەنێک لە پاسپۆرتی عێراق _ وێنە: 964
جۆری A
پاسپۆرتی هەولێر: دەفتەر هات پاسپۆرتەکانتان تەواو بووە و وەریگرنەوە
964+
فەهمی نەبی
بەڕێوەبەرایەتی پاسپۆرتی هەولێر ئاگاداری ئەو هاوڵاتیانە دەکاتەوە کە لە 31.5.2023 پەنجە مۆریان کردووە، ئەو پاسپۆرتانەی سیستمی کۆن جۆری A بوون، پاسپۆرتەکانیان دەرچووە و بێن بۆ بردنەوەی.
ئەمڕۆ یەکشەممە پاسپۆرتی هەولێر ئەو ئاگاداریەی بڵاوکردوەتەوە و داوا دەکات کاتێک دێن بۆ وەرگرتنەوەی ناسنامەی باری شارستانی یان کارتی نیشتیمانی لابێت.
بەڕێوەبەرایەتی پاسپۆرتی هەولێر دەڵێت، لەچەند رۆژی رابردوو بڕی سێ هەزار و 800 دەفتەریان لە بەغداوە بەدەست گەیشتووە و هەمووی چاپکراوە و چاوەڕێی ژمارەی دیکەی دەفتەرن بۆئەوەی ئەوانەشی ماون چاپ بکرێن.
بۆ ئەوانەی دەیانەوێت دڵنیاببنەوە لە دەرچوونی دەفتەری پاسپۆرتەکانیان دەتوانن سەردانی ئەو لینکە بکەن.
