دیمەنی کۆمەلێک مریشکی بەستووی ناو بەفرگر-وێنە: 964+
لە دهۆک دواکەوتنی موچە نرخی مریشکی هەرزان کردووە
964+
هێڤی دێوالی – دهۆک
لەماوەی چەند رۆژی رابردوو لە بازاڕی دهۆک نرخی مریشکی بەستوو هەرزان بووە و بۆ هەر کارتۆنێک سێ هەزار دینار دابەزیووە.
10 رۆژ لەمەوبەر نرخی هەر کارتۆن مریشکی بەستووی هاوردە لە نێوان 52 بۆ 53 هەزار دینار بوو، ئێستا هەر کارتۆنێکی بووەتە 47 هەزار دینار، هەرچی مریشکی بەستووی ناوخۆییە لە 53 دینارەوە بووەتە 50 هەزار دینار.
رەهوان دۆسکی خاوەنی دوکانی مریشکفرۆشیە بە 964ـی وت، “نازانم هەرزان بوونی هۆکارەکەی چییە، بەڵام کارتۆنێک مریشکی تورکی سێ هەزار تا پێنج هەزار دینار دابەزییووە.
شوکری شەفیق، بەرپرسی راگەیاندنی چاودێری بازرگانی دهۆک بۆ 964 وتی، دابەزینی نرخی مریشک بەهۆی نەهاتنی موچەیە، لەبازاڕ کەمتر رەواجی لەسەرە، بەپێی ئەو لیژنانەی چاودێری نرخەکان لە بازاڕ دەکەن، تەنیا نرخی مریشک کەمیکردووە.
بەوتەی شوکری شەفیق چاوەڕوان دەکرێت، نرخی مریشک زۆرتر دابەزێت.
پێداچوونەوە: فەهمی نەبی
