بەهۆی ساغنەبوونەوەی بەرهەمەکانیان، جوتیاران رێگەی ملەکەوەی پێنجوێنیان گرتووە. وێنە:964+
جووتیاران رێگەی ملەکەوەی پێنجوێنیان گرتووە
964+
محەمەد عومەر – هەڵەبجە
نزیکەی کاتژمێرێکە جوتیارانی ناوچەکە رێگەی ملەکەوەی پێنجوێنیان داخستووە و رێگانادەن هیچ بارهەڵگرێک بەو ناوەدا تێپەڕێت، دەڵێن “بەرهەمەکانمان ساغنابێتەوە”.
زانا عەبدولرەحمان قایمقامی پێنجوێن بە 964ی وت، خۆپشاندەران رێگەکەیان داخستووە و رێگەنادەن هیچ بارهەڵگرێک هاتووچۆ بکات، بەڵام بۆ هاوڵاتیان ئۆتۆمبێلی مەدەنی ریگەکە کراوەیە.
قایمقامی پێنجوێن دەڵێت، “تا ئێستا نەگەشتووین بەهیچ چارەسەرێک و جووتیاران داواکارن رێگری بکرێت لە هاوردەکردنی بەرووبووم لە دەرەوە و رێگەنەدرێت لە مەرزەکانەوە بەرهەمی دەرەکی هاوردە بکرێت”.
چەند رۆژێکە جووتیاران لەچەند پارێزگایەکی هەرێم ناڕەزاییان دەربڕیووە لەبەرامبەر هەرزان بوونی نرخی تەماتە و ساغنەبوونەوەی.
پێداچوونەوە: فەهمی نەبی
