لە هەولێر 155 هەزار دار و گوڵ ئامادەکراون بۆ چاندن

964+

فەهمی نەبی

ئەندازەی پارکەکانی هەولێر دەڵێت، ئەمساڵ توانیومانە 155 هەزار دار و گوڵی جۆراوجۆر ئامادەبکەین بۆ چاندن.

رێبین ئەحمەد بەڕێوەبەری ئەندازەی پارکەکانی هەولێر بۆ 964 وتی، تا ناوەڕاستی مانگی 10 دار و گوڵ چاندن بەردەوام دەبێت، ئامانجەکە ئەوەیە ئەمساڵ ببێتە 100 هەزار دار و گوڵ، بەڵام ئەو رێژەیەی بەرهەمهاتووە زۆرە و بەشێکیان بۆ ساڵی ئایندە دەیچێنین.

بەڕێوەبەری ئەندازەی پارکەکانی هەولێر دەڵێت، “خاوەنی سێ نەمامگەین و ئەمساڵ ژمارەیەکی زۆری داری سیسەم و دەدۆنیامان بەرهەمهێناوە”.

ئەندازەی پارکەکانی هەولێر دەڵێت، ئەو دارانەی ئەمساڵ چاندوومانە لە 93 شوێنی هەولێر بوون.