یەکێک لەو کافتریایانەی هەولێر کە داخراوە. وێنە:قایمقامیەتی هەولێر.
"کاری نەشیاویان لێ دەکرا"
هەشت کافتریا و شوێنی مەساج داخران
964+
زینوێ حەسەن
لە هەڵمەتێکی تیمەکانی قایمقامیەتی هەولێر، نۆ کەس دەستگیرکران و ژمارەیەک شوێنی مەساج و کافتریاش داخران.
درەنگانی شەوی رابردوو، لەسەنتەری شاری هەولێر ئەو لیژنەیەی قایمقامیەت پێنج کافتریا و سێ شوێنی مەساج (شێلان) داخستووە.
نەبەز عەبدولحەمید قایمقامی هەولێر بۆ 964 وتی، “هەڵمەتەکەمان بەردەوامە و ناوەستین، ئەو شوێنانەی داخراون مۆڵەتیان هەبووە، بەڵام سەرپیچییان کردووە”.
قایمقامی هەولێر دەڵێت، ئەو نۆ کەسەی دەستگیرکراون، حەوتیان ژنن و دووانیان پیاون، ئەوان لەسەر سەرپێچی و کاری نەشیاو دەستگیرکراون.
بەوتەی قایمقامی هەولێر، ئەو کەسانە پەڕاوی لێکۆڵینەوەیان بۆ کراوەتەوە و دادوەر بڕیار لەسەر جۆری سزاکەیان دەدات.