زانکۆی دهۆک-کۆلێژی پەروەردەی ئاکرێ.وێنە:+964
زانکۆی ئاکرێ بۆ ئەمساڵ دەوامی ئێواران دەکاتەوە
964+
زەید کۆچەر – دهۆک
زانکۆی ئاکرێ دەیەوێت بۆ ئەمساڵی خوێندن دەوامی ئێواران بکاتەوە و خوێندکار وەربگرێت.
ئێستا زانکۆی ئاکرێ زانکۆیەکی سەربەخۆیە و پەیوەندی بە زانکۆی دهۆکەوە نییە کە چەند ساڵێکە دەوامی خوێندنی ئێوارانی راگرتووە.
د.منهل ئیلهام، سەرۆکی زانکۆی ئاکرێ بە 964ی وت، “پێشتر بەشێک بووین لە زانکۆی دهۆک و ئێستا سەربەخۆین بۆیە رەزامەندیمان دەربڕیوە بە کردنەوەی دەوامی ئێواران لە زانکۆکەمان”.
وتیشی، ئەوان نوسراویان بۆ وەزارەتی خویندنی باڵا ناردووە و پێشتریش وەزارەت وتوویەتی لەسەر زانکۆکە خۆی وەستاوە ئایا دەوامی ئیواران دەکەنەوە یاخود نا، بۆیە دڵنیان رەزامەندیان پێ دەدرێت و دەوامی ئێواران بۆ خوێندکارانی زانکۆی ئاکرێ بۆ ئەمساڵ دەکرێتەوە.
964 دەزانێت تاوەکو ئێستا لە زانکۆی دهۆک بڕیارەکە نەگۆڕاوە و بۆ ئەمساڵیش هیچ خوێندکارێک بۆ دەوامی ئێواران وەرناگیرێت.
پێداچوونەوە: توانا نەقی