دوو کچە ئێزدى له كێبڕكێی شاجوانی رۆژهەڵاتی ناوەڕاست دا‌ن
964+
فه‌رهاد حه‌سه‌ن
ئەمیرە هانی رەشۆ و گوڵستان كارۆ ره‌شید، دوو كچه ئێزدین، له‌ناو لیستى ئه‌و كاندیدانه‌ن كه كێبڕكێ بۆ به‌ده‌ستهێنانى شاجوانى رۆژهه‌ڵاتى ناوه‌ڕاست و باكورى ئه‌فریقیا، ده‌كه‌ن.
ئه‌میره ته‌مه‌ن 22 ساڵ و نمایشكاره، ساڵی 2022 بەشداری لە كێبڕکێی شاجوانی عێراق کردووە، گوڵستانیش ته‌مه‌ن 25 و هه‌ڵگری بڕوانامه‌ى به‌كالۆریۆسه له په‌رستارى و شاجوانى عێراق بووه له ساڵى 2021.
كاتى ده‌ستپێكردنى هه‌ڵبژاردنى شاجوانى رۆژهه‌ڵاتى ناوه‌ڕاست و باكورى ئه‌فریقیا دیاری نه‌كراوه، به‌ڵام له پێگه‌ى تایبه‌تى شاجوانى رۆژهه‌ڵات MissEast ئاماژه به‌شوێنى به‌ڕێوه‌چوونى كه‌رنه‌ڤاڵه‌كه كراوه كه ئه‌مساڵ له به‌غدا به‌ڕێوه‌ده‌چێت.
