بڕێک قاوەی قەدەغەکراو کە بۆ کێش دابەزاندن و زیادکردنی کێش بەکاردەهێنرێت و قەدەغەکراوە. فۆتۆ: تەندروستی هەولێر
لە هەولێر 140 پاکەت قاوەی کێش دابەزاندن دەستیبەسەردا گیرا
964+
هاوبەش ئەبوبەکر
درەنگانی شەوی رابردوو یەکشەممە، تەندروستی هەولێر دەستبەسەرداگرتنی 140 پاکەت قاوەی کێش دابەزاندنی راگەیاند و دەڵێت، رێگەپێدانی تەندروستی نەبووە.
خاوەنی قاوەکە لە رێگەی سۆشیاڵ میدیاوە ریکلامی بۆ کردووە و بەسەر هاوڵاتیاند ساغیکردووەتەوە.
“خاوەنەکەی رێگەپێدانی فەرمی وەزارەتی تەندروستی نەبووە، بۆیە سزا دەدرێت و رێکاری یاسایی بەرامبەر دەگیرێتەبەر”، تەندروستی هەولێر وا دەڵێت.
بەڕێوەبەرایەتی تەندروستیی هەولێر دەشڵێت، پێویستە هاوڵاتیان خۆیان بە دوور بگرن لەم جۆرە بەرهەمانەی کە بۆ کێش دابەزاندن بەکاردێت و لە کاتی بەکارهێنانیشی پێویستە لە ژێر چاودێری پزیشکی پسپۆر و لە دەرمانخانەکاندا وەربگیرێت.