بە فێڵێک سێ ئۆتۆمبێلی ئاخر مۆدێلیان بردووە و هەڵاتوون

964+

ژووری هەواڵ

-بە قسەی چەند کۆمپانیایەکی بەکرێدانی ئۆتۆمبێل لە سلێمانی، سەرەتای مانگی رابردوو، دوو کەس چوونەتە لایان و بە ناسنامەی ساختە سێ ئۆتۆمبێلیان لێ بەکرێگرتوون، کەچی دوای تەواوبوونی وادەی بەکرێگرتنەکە نەهاتوونەتەوە و دیار نەماون.

-قایمقامیەتی کەلار بڕیاریداوە هەر خاوەن مۆلیدەیەک مۆلیدەی یەدەگی نەبێت سزای بدات.

-بەهۆی نەبوونی مەرجەكانی تەندروستی كوشتارگەی سەیدسادق داخرا.

-بەگوێرەی نووسراوێک، لە ئەمڕۆوە هاوڵاتیانی ناوەڕاست و خوارووی عێراق دەتوانن ئیقامەی سێ مانگی لە هەرێمی کوردستان وەربگرن ئەگەر بە مەبەستی گەشتوگوزار هاتبن.

-“تەنیا ئەمساڵی 2023، شەش کەس لە رووباری خابووری زاخۆ خنکاون” ئەمە ئەو هۆکارەیە کە بەرپرسانی ئەو شارە دەیگەڕێننەوە بۆ قەدەغەکردنی مەلەوانی لە رووبارەکەدا.

ریپلەیسی بکەینەوە