رانیە.. مینی پاسێک بە تەواوەتی سووتا
964+
مەجید بیتوێنی
کاتژمێر 8:30 خولەکی بەیانی ئەمڕۆ سێشەممە 13.6.2023، مینی پاسێک لە بەردەم نەخۆشخانەی منداڵبوون لە ناوەندی قەزای رانیە گڕی گرت و بە تەواوەتی سووتا.
پەیامنێری 964 دەڵێت، مینی پاسەکە هیچ نەفەرێکی تێدا نەبووە، شوفێرەکەی دەستکاری سۆندەی بەنزینەکەی کردووە و لەوێوە ئاگرەکە دروستبووە، هەر بە هۆیەوە خاوەنی مینی پاسەکە بریندار بووە و ئێستا رەوانەی نەخۆشخانە کراوە بۆ وەرگرتنی چارەسەری.
دوای سووتانی مینی پاسەکە، خەڵکەکەی لەوێ بوون کۆمەکیان بۆ خاوەنەکەی کۆکردووەتەوە و تا ئامادەکردنی ئەم هەواڵە 620 هەزار دینار کۆکراوەتەوە.
بەرگری شارستانی رانیە، گەیشتوونەتە شوێنی رووداوەکە و ئاگرەکەیان کوژاندووەتەوە و زیانەکانیشیان بە پێنج هەزار دۆلار خەملاندووە.
