6 ناحیه و 2 قهزاى گرتووهتهوه
له دهۆك ههڵمهتهكانى شوشتنهوهى مهڕو ماڵات و قهڵاچۆكردنى مێش و مهگهز ئهنجامدرا
964+
فهرهاد حهسهن
له سنوورى پارێزگاى دهۆك دوو ههڵمهتى جیاواز له شوێنى جیاواز ئهنجامدهدرێن، یهكهمیان بۆ شوشتنهوهى مهڕ و ماڵاته له دژى نهخۆشی تاى خوێنبهربوون، دووهمیشیان بۆ قهڵاچۆكردنى مێش و مهگهزه، كه بهشێوهیهكی فراوان بڵاوبوونهتهوه.
ڤێتێرنهرى دهۆك بڵاویكردهوه ههڵمهتێكی شووشتنى مهڕو ماڵات به فراوانى دهستپێكردووه، بۆ بەرهنگاربوونهوهى نەخوشی تای خوێنبەربون كه توشی ئاژهڵهكان دهبێت.
بنكهكانى ڤێتێرنەری له ناحیهكانى قەسرۆک، گردەسێن، زاویتە و قهزاى ئاكرێ ئهم ههڵمهتهیان جێبهجێ كردووه، كه جگه له شوشتنهوهى مهڕ و مەڵات، كارى رشاندنى گهورهكان و دهرزى لێدانیشیان بۆ بهشێك له ئاژهڵهكان ئهنجام داوه.
ناوهندى قهزاى بهردهڕهش و ناحیهكانى دهروبهریش به مێش و مهگهز تهندراون كه ساڵانه لهم وهرزهدا دهردهكهون.
تیمەکانی سەر بە بەڕێوەبەرایەتی تەندروستی بەردەڕەش هەڵمەتێکی فراوانى رشاندنیان لە سەنتەری قەزا و هەرسێ ناحیەكانی رۆڤیا، کەلەک و دارەتوو بە گوندەکانیشەوە دهستپێكردووه.
تهندروستى دهڵێت، هەڵمەتەکە ماوەی 15 رۆژ دەخایەنێت و دواى بانگى مهغریب دهستپێدەکات، ئامانج لێی لەناوبردن و کەمکردنەوەی پێشکە و میچش و مهگهزه کە لەم وەرزە زۆر دەبێت و جگە لە بێزارکردن دەبێتە هۆی گواستنەوەی نەخۆشی.
ئاگادار خاوەن ههنگهكانیشیان كردووهتهوه، مێشەکانیان جوان داپۆشن بۆ ئەوەی بههۆى راشاندنهكهوه زەرەرمەند نەبن.
رووبارى ئاوهسپی قهدهغه دهكرێت بۆ شوشتنهوهى مهڕوماڵات
مهڕوماڵاتى رهوهندهكان خهڵكی پێنجوێنیان بێزار كردووه
