كورته پهیامێك له تۆڕى (ئێكس)ەوە
ئهمریكا داوادهكات لێپرسینهوه له تاوانبارانی هێرشهكهی سهر كێڵگهی كۆرمۆر بكرێت
964+
فهرهاد حهسهن
باڵیۆزخانەی ئهمریكا له بهغدا لهسهر هێرشه درۆنییهكهى سهر كێلگهی غازی كۆرمۆر له قهزای چهمچهماڵ هاتهدهنگ و داواى له حكومهتی عێراق دهكات، لێپرسینهوه له تاوانبارانی ئهو هێرشه بكات.
باڵیۆزخانەکە له تۆڕى كۆمهڵایهتى ئێكس پهیامێكى بڵاوكردووهتهوه و دهڵێت “هێرشی سەر کێڵگەی غازی كۆرمۆر شەرمەزار دەکەین”.
ههر لهو پهیامه كورتهیدا داوای لە حکومەتی عێراقى كردووه، لێپرسینەوە لە تاوانباران بکات.
كاتژمێر 07:05ـی ئێوارهی رۆژی شهممه 1.2.2025، هێرشێكی درۆنی خۆكوژ ئاڕاستهی كێڵگهی غازی كۆرمۆر كرا و ئهوكاتیش بهڕێوبهرایهتی گشتیی دژهتیرۆر – سلێمانى رایگهیاند، ئهو درۆنهی ئێوارهی رۆژی شهممه ئاڕاستهى كێڵگهی غازی كۆرمۆر كرابوو، له ناوچهی بهشیر و لهلایهن گرووپه میلیشیاكانهوه ئاڕاسته كراوه.
لای خۆیهوه كۆمپانیای دانهغاز رایگهیاند كه هێرشه درۆنییهكه هیچ زیانێكی گیانی نهبووه و زیانی ماددیش بهر كێڵگهكه نهگهیشتوه.
وەزارەتی سامانە سروشتییەكانی هەرێمیش بێدهنگ نهبوو، ئهویش دووپاتی كردهوه بێ زیان بووه و وتیان، “بەرهەمهێنانی غاز لە کێڵگەی کۆرمۆر ئاساییە و پەستانی غاز بۆ وێستگەكانی بەرهەمهێنانی كارەبا تا ئێستا ئاساییە و هەڵسەنگاندن بۆ زیانە مادییەکانی هێرشەکە دەكرێت”.
لهبارهى هێرشهكهى سهر كۆرمۆر دژەتیرۆر راگەیاندراوێکى بڵاوكردهوه
سهرچاوهیهك بۆ 964: درۆن هاتووهته سهر كۆرمۆر و دوورمانخستووهتهوه
