فڕۆکەوانەکەی گیانی لەدەستداوە
فڕۆکەیەکی F18 لە سنووری عێراق کەوتە خوارەوە
964+
توانا نەقی
ئێوارەی ئەمڕۆ چوار شەممە، 9.10.2024 فڕۆکەیەکی جەنگی لە جۆری F18 کە هی هێزی ئاسمانی کوەیتە لە نزیکی سنووری عێراق و بەسرە کەوتە خوارەوە.
ژووری ئۆپەراسیۆنەکانی عێراق رایگەیاند، فڕۆکە جەنگیەکە لە باشووری قەزای ئوم قەسر کەوتووەتە خوارەوە و بەهۆیەوە فڕۆکەوانەکەی گیانی لەدەستداوە.
دەشڵێت، وەزارەتی بەرگری کوەیت ئاماژەی بەوەکردووە فڕۆکەکە لە ئەرکێکی مەشق و راهێناندا بووە و پێشتر حاڵەتی وا رووبەڕووی هیچ فڕۆکەیەکیان نەبووەتەوە.
لە راگەیندراوەکەی ژووری ئۆپەراسیۆنەکانی عێراقدا هاتووە، گومان دەکرێت فڕۆکەکە لە کاتی فڕینیدا چوبێتە سنووری ئاسمانی ئێران و تەقەی لێکرابێت لە کەنداوی عەرەبییەوە.
