گرافیکی توندوتیژی بەرامبەر ژنان - وێنە: ئاژانسەکان
لە رۆژهەڵاتی کوردستان
هەر رۆژێک دوو ژن پێشێلکارییان بەرامبەر دەکرێت
964+
پێشەوا محەمەد
لە رۆژهەڵاتی کوردستان لە مانگی رابردوودا 48 پێشێلکاری بەرامبەر ژنان کراوە و بەپێی زانیارییەکانی رێکخراوی هەنگاو، 13 حاڵەتیان کوشتن بووە.
رێکخراوەکە، کە چاودێریی مافی مرۆڤ دەکات لە رۆژهەڵاتی کوردستان بڵاویکردووەتەوە، لەو مانگەدا چوار ژن لەسێدارە دراون، 14 ژنی چالاکوان دەستگیرکراون و 17ـی دیکەش حوکمیان بەسەردا دراوە.
ئاماژە بەوەش دراوە، هەشت ژن لەلایەن هاوژینەکەیانەوە، دوو ژن لەلایەن کوڕەکەیانەوە، ژنێک لەلایەن براکەی، ژنێک لەلایەن دۆستەکەی و ژنێکی دیکەش لەلایەن کەسێک بە ناسنامەی نادیارەوە کوژراون.
زانیاریی رێکخراوەکە ئاشکرای دەکات، لە دوای کوژرانی ژینا ئەمینی و چالاکی و خۆپیشاندانەکانی رۆژهەڵاتی کوردستان بەناوی ژن، ژیان، ئازادییەوە پێشێلکارییەکان بەرامبەر ژنان مانگ بە مانگ لە زیادبووندان.
“ساڵی رابردوو 22 ژن لە ئێران لە سێدارەدراون و زیاتر لە 200ـی دیکەش دەستگیر کراون و بەشێکیان حوکم دراون”، ئەوەش زانیاریی رێکخراوی مافی مرۆڤی هەنگاوە.
