پێشتر قهدهغهى راوكردنیان راگهیاندبوو
هاوڵاتیانى گوندى خهمزه حهشارگهى راوچییهكان تێكدهدهن
964+
فهرهاد حهسهن
نزیكهى 10 رۆژ لهمهوبهر هاوڵاتیانى گوندى خهمزهى سهربە شارباژێر، قهدهغهى راوكردنیان له سنوورهكهیان راگهیاند، ئێستاش ئهو حهشارگانهیان تێكدا، كه راوچییهكان بهمهبهستى راوكردنى ئاژهڵ و باڵندهكان بهكاریان دههێنا.
فهرمان عیزهت خهمزهیی، هاوڵاتى ئهم گوندهیه به 964ـى وت، ههرچی حهشارگهى راوچییهكان لهسنوورى گوندهكهیان دروستكرابوو، تێكیاندا.
وتیشی “راوچییهكان نزیكهى ههشت حهشارگهیان له سنوورى گوندهكهمان دروستكردبوو و ئهمڕۆ ههموویان تێكدران”.
بهقسهى ئهم هاوڵاتییه لهوهتهى قهدهغهى راوكردن له گوندهكهیان راگهیاندراوه، دوو حاڵهتى دهستگیركردنى راوچییهكان ههبووه، یهكهمیان له نێوان گوندهكانى خهمزه و قوڵهڕهش، دووهمیشیان له بازگهى قهیوان.
ئاماژه بهوهش دهكات، ساڵى پار لهلایهن خهڵكى گوندهكهیانهوه نزیكهى پێنج ملیۆن دینار كۆكراوهتهوه، بۆ ژیاندنهوهى سهرچاوه ئاوییهكان و چاككردنى كانییهكانى سنوورهكهیان خهرجكراوه، بۆ ئهوهى ئاژهڵ و باڵنده كێوییهكان سوودى لێوهربگرن.
پێشتر، هاوڵاتیانى ئهم گونده رایانگهیاندبوو ههر كهسێك له سنوورهكهیان راوى باڵنده و ئاژهڵ بكات، رادهستى یاسای دهكهن، چونكه وهك پێشتر بڵاویان كردبووهوه، چهند جارێك داوایان كردووه راو له سنوورهكهیان نهكرێت، بهڵام دهڵێن، خهڵك گوێی پێنهداوین و بهردهوام راوى خۆیان كردووه.
عهمید هێمن كهمهرخان وتهبێژى پۆلیسی دارستان و ژینگهى سلێمانى به 964ـى وتبوو، بڕیارهكهى گوندى خهمزه بۆ قهدهغهى راوكردن، به بڕیارێكى باش زانى و دووپاتیشیكردووه كه ئهوان دهمێكه بڕیاری قهدهغهكردنى راوكردنیان له تهواوى سنوورى پارێزگاى سلێمانى داوه.
