وێنەی کەشتییەک نەوتی عێراقی هەڵگرتووە وێنە: وەزارەتی نەوتی عێراق
هێرشى حوسییەکان بەردەوامە
نرخى نەوت لە ئاستێکى بەرزدایە
964+
وریا فەتاح
لەگەڵ بەردەوامى هێرشى حوسییەکان بۆسەر کەشتییە نەوتهەڵگرەکان، نەوت بەردەوامیدا نرخى بەرزەکەى و ئەمڕۆش لە ئاستێکى بەرزدا مامەڵەى پێوە دەکرێت.
ئەمڕۆ سێشەممە، بە پێى داتاکانى بازاڕى جیهانى، نرخی هەر بەرمیلێک نەوتی برێنت بە 83 دۆلار 46 سەنتە، واتا بە رێژەى 0.12% دابەزینى بەخۆیەوە بینیوە، بەڵام ئاستە بەرزەکەى لەدەستنەداوە.
هەرچی نەوتی خاوی تەکساسیشە بەرمیلی بە 79 دۆلار و 49 سەنت مامەڵەی پێوە دەکرێت و بەڕێژەى 0.38% بەرزبووەتەوە.
بەردەوامیدان بە جێگیربوونى نرخى نەوت لەو ئاستەیدا لە کاتێکدایە، بەپێى راگەیەنراوى چەکدارە حوسییەکانى یەمەن، ئێوارەى دوێنێ لە کەنداوى عەدەن هێرشیان کردووەتە سەر دوو کەشتیی ئەمریکی.
بەرزترین نرخی نەوتی برێنت لە ساڵی 2024 رۆژی 26.1.2024 بوو، هەر بەرمیلێکی نەوتی خاو گەیشتە 83 دۆلار و 76 سەنت.
