دیمهنێكى دهرهوهى سه‌نته‌رى گواستنهوهى بانكى خوێن له هه‌ڵه‌بجه.. وێنه: بهڕێوهبهرایهتى تهندروستى هه‌ڵه‌بجه
بانكى خوێن كه‌مى كردووه
سبه‌ى مامۆستایانى هه‌ڵه‌بجه بۆ نه‌خۆشانى تالاسیميا خوێن ده‌به‌خشن
964+
فه‌رهاد حه‌سه‌ن
بڕیاره سبه‌ى چوارشه‌ممه هه‌ڵمه‌تى خوێنبه‌خشین له‌لایه‌ن مامۆستایانى پارێزگاى هه‌ڵه‌بجه ده‌ستپێبكات و هه‌ڵمه‌ته‌كه‌ش له‌سه‌ر داواى سه‌نته‌رى تالاسیمیا و بانكى خوێنه، كه ده‌ڵێن، خوێن كه‌مى كردووه.
لقى هه‌ڵه‌بجه‌ى یه‌كێتى مامۆستایانى كوردستان ئاگادارییه‌كى بڵاوكردووه‌ته‌وه و ئاماژه به‌وه‌ده‌كات كه هەڵمەتی خوێنبەخشینه‌كه بۆ نەخۆشانی تالاسیمیایه کە زۆربەیان قوتابی و خوێندکارن .
محه‌مه‌د وه‌هاب، ئه‌ندامى لقى هه‌ڵه‌بجه‌ى یه‌كێتى مامۆستایان به 964ـى وت، پێشتر وه‌كو مامۆستایانى هه‌ڵه‌بجه ئاماده‌ییان ده‌بڕیبوو بۆ خوێنبه‌خشین و ئه‌و هه‌ڵمه‌ته‌ى سبه‌یش ئه‌نجامى ده‌ده‌ن له‌سه‌ر داواى بانكى خوێنى هه‌ڵه‌بجه و سه‌نته‌رى تالاسیمیایه.
وتیشی “له بانكى خوێن پێیان راگه‌یاندووین كه خوێن كه‌مى كردووه بۆیه ئێمه‌ش به پێویستمان زانى سبه‌ى ئه‌م هه‌ڵمه‌ته‌مان به‌ڕێوه‌ببه‌ین”.
به‌پێی ئاگاداریه‌كه‌ى لقى هه‌ڵه‌بجه‌ى یه‌كێتى مامۆستایان، سبه‌ى 31.1.2024 كاتژمێر 9:00ـى سه‌رله‌به‌یانى هه‌ڵمه‌تى خوێنبه‌خشینه‌كه له سەنتەری گواستنەوەی بانکی خوێن لە ناو نەخۆشخانەی کیمیاباران، به‌ڕێوه‌ده‌چێت.
