وێنهى كارتێكی ئه‌لیكترۆنى خۆراك... وێنه: به‌ڕێوه‌به‌رایه‌تى رێكخستنى پسووله‌ى خۆراك له دهۆك
97%ـى كارا كراوه‌ته‌وه
دهۆك كۆتایی به كاراكردنى پسووله‌ى ئه‌لیكترۆنى خۆراك هێنا
964+
فه‌رهاد حه‌سه‌ن
به‌ڕێوه‌به‌رایه‌تى رێكخستنى پسووله‌ى خۆراك له دهۆك دواى نزیكه‌ى هه‌شت مانگ كاركردن، كۆتایی به كاراكردنى پسووله‌ى ئه‌لیكترۆنى خۆراك هێنا و ئاشكراى كرد كه 97%ـى خه‌ڵك پسووله‌كه‌یان كارا كردووه‌ته‌وه.
به پێی نووسراوێك به ژماره 8896 له 24.10.2023 كه ئه‌مڕۆ چوارشه‌ممه بڵاوكراوه‌ته‌وه، به‌ڕێوه‌به‌رایه‌تییه‌كه‌ى دهۆك كۆتایی به‌و كاراكردنه هێناوه.
به‌ڕێوه‌به‌رایه‌تیى رێكخستنى پسووله‌ى خۆراكى دهۆك بڵاویكردووه‌ته‌وه، 273 هه‌زار و 680 خێزان پسووله ئه‌لیكترۆنییه‌كه‌یان كارا كردووه‌ته‌وه.
له رێکەوتی 14.4.2023 كاراكردنى پسووله‌ى ئه‌لیكترۆنى خۆراك له دهۆك كه‌وته بوارى جێبه‌جێكردن، به پێی ئاماره‌كانى به‌ڕێوه‌به‌رایه‌تیى خۆراكى دهۆكیش له سنوورى ئه‌و پارێزگایه‌دا هه‌زار و 450 بریكارى خۆراك هه‌ن.
بەشەخۆراكی خاوه‌ن موچه دوو ملیۆن دیناره‌كان ده‌بڕدرێت
